7 azərbaycanlı Klimincaro zirvəsində

Qərib Tağızadənin rəhbərliyi ilə AAF-ın 3 üzvü daxil olmaqla ümumi 7 azərbaycanlının Qara qitənin ən yüksək zirvəsi sayılan Klimincaroya ekspedisiyası təşkil olunub.

Day.Az xəbər verir ki, 9 fevral tarixində "Starting Gate"dən (1879 metr yüksəklikdən) Kilimancaro zirvə ekspedisiyasına başlanıb:

"Əvvəlcədən seçdiyimiz "route" Marangu idi. 4 saatlıq yürüşün ardından biz 2720 metr 1 ci, Mandara Hut adlanan kampa çatdıq. 10 fevral tarixində səhər 8 də Mandara Hut düşərgəsindən çıxdıq, 3720 m yüksəklikdə yerləşən "Horombu Hut"a çatdıq. 11 fevral tarixində sonuncu ve yolu çox uzun olan 4720 m hündürlükdə yerləşən "Kibo Hut"a çatdıq. 12 fevral tarixində sonuncu düşərgədən zirvəyə dırmanmağa başladıq. Ön bələdçi Qərib Tağızadə və arxada yardımçı bələdçi Elbəy Mustafabəyli olmaqla Kilimancaro (5895 metr) zirvesində Azərbaycan ve AAF bayraqları dalğalandırıldı.

Qeyd edək ki, qrupun bütün üzvləri zirvəyə uğurla dırmanıb.