Argentinada təyyarə qəzaya uğrayıb, ölənlər var

Argentinanın Buenos-Ayres əyalətində kiçikhəcmli təyyarə qəzaya uğrayıb. Nəticədə 2 nəfər ölüb.

Day.Az APA-ya istinadən bildirir ki, bu barədə yerli "Todo Noticias" telekanalı məlumat yayıb.

Təyyarədə başqa sərnişin olmayıb.

İlkin məlumata görə, təyyarə aeroklub ərazisindən havaya qalxdıqdan sonra Berasateqi dairəsindəki magistral yolun yaxınlığında yerə çırpılıb.

Hadisənin səbəbləri araşdırılır.