Tomat pastası beynin fəaliyyətinə müsbət təsir göstərə bilər
İspaniyada aparılan araşdırmada üç ay ərzində hər gün 35 qram tomat pastası qəbul edən orta yaşlı insanların zehni fəaliyyətində müəyyən müsbət dəyişikliklər müşahidə olunub.
Day.Az xəbər verir ki, tədqiqatda 42 nəfər iştirak edib.
Nəticələrə görə, iştirakçıların seçici diqqət göstəriciləri yaxşılaşıb, yaddaşda isə cüzi müsbət dəyişikliklər qeydə alınıb. Tədqiqatçılar bunu pomidorun tərkibindəki likopenlə əlaqələndirirlər.
Mütəxəssislər bildirirlər ki, pomidorun bişirilməsi likopenin orqanizm tərəfindən mənimsənilməsini asanlaşdırır. Bununla belə, alimlər tomat pastasının beyinə uzunmüddətli təsirini müəyyənləşdirmək üçün daha geniş araşdırmalara ehtiyac olduğunu vurğulayırlar.
Заметили ошибку в тексте? Выберите текст и сообщите нам, нажав Ctrl + Enter на клавиатуре
