İraq 30 minlik ordu ilə Mosula girir
Day.Az представляет новость на азербайджанском языке
Mosulun azad edilməsi üçün 30 min İraq hərbçisi səfərbər olunacaq.
Day.Az axar.az-a istinadən bildirir ki, bu barədə İraq parlamentinin Müdafiə və Təhlükəsizlik Komitəsinin üzvü Əbdüləziz Hüseyn məlumat verib.
Onun sözlərinə görə, şəhərin İŞİD-dən geri alınması üçün xüsusi hazırlıqlar davam etdirilir.
"Şəhərdə yaşayan vətəndaşların təhlükəsizliyini qorumaq əsas vəzifəmizdir. Mosulun azad edilməsində əsas yük koalisiya qüvvələrinin üzərinə düşəcək", - millət vəkili qeyd edib.
Xatırladaq ki, bir neçə gün öncə ABŞ prezidentinin İŞİD-lə mübarizə məsələləri üzrə köməkçisi Mak Qurk Mosulun azad edilməsi üçün yaxın günlərdə genişmiqyaslı hərbi əməliyyatların başlanacağını açıqlamışdı.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
Заметили ошибку в тексте? Выберите текст и сообщите нам, нажав Ctrl + Enter на клавиатуре
