Görkəmli alim Zöhrab Vəliyevin 60 illiyi qeyd edildi - FOTO

5 июня 2013 15:38

Day.Az представляет новость на азербайджанском языке.


Azərbaycan Milli Elmlər Akademiyası Fizika İnstitutunda ABŞ-ın Nyu-York Elmlər Akademiyasının həqiqi üzvü, AMEA-nın müxbir üzvü, professor Zöhrab Vəliyevin anadan olmasının 60 illiyi qeyd edildi. Yubiley mərasimini Qonaqları institutun direktoru, fizika-riyaziyyat elmləri doktoru Nazim Məmmədov salamladı. Sonra, AMEA-nın vitse-prezidenti, akademik Akif Hacıyev açaraq bildirdi ki, AMEA-nın Azərbaycan xalqı üçün yetişdirdiyi şəxsiyyətlərdən biri Zöhrab Vəliyevdir. Vaxtilə Fizika İnstitutunda çalışmış mərhum alim xalq qarşısında elm sahəsindəki missiyasını yalnız ölkəmizdə deyil, xaricdə də uğurla həyata keçirmişdir. AMEA Rəyasət Heyətinin qərarı ilə keçirilən yubiley tədbirindən məqsəd alimin elmi və pedaqoji xidmətlərini xatırlamaq və bir daha qiymətləndirməkdir.
 

Azərbaycan Respublikasının Prezidenti yanında Ali Attestasiya Komissiyasının sədr müavini, AMEA-nın müxbir üzvü professor Vəli Hüseynov Z.Vəliyevin elmi-pedaqoji fəaliyyəti haqqında məruzə ilə çıxış etmişdir. Qeyd olunmuşdur ki, Z.Vəliyev vaxtilə ulu öndər Heydər Əliyevin qayğısı ilə təhsilini M.V.Lomonosov adına Moskva Dövlət Universitetinin Fizika fakültəsində davam etdirmişdir. 1977-ci ildən Azərbaycan Milli Elmlər Akademiyasının Fizika İnstitutunda, 1986-cı ildən ömrünün sonunadək isə Naxçıvan Dövlət Universitetində fəaliyyət göstərmiş, universitetin Elmi Şurasının elmi katibi, Texniki təlim fakültəsində dekan müavini və Fizika-riyaziyyat fakültəsində dekan vəzifələrini daşımışdır. Z.Vəliyev 1997-ci ildən etibarən Naxçıvan Dövlət Universitetinin Elmi işlər üzrə prorektoru olmuşdur. Unudulmaz professorun Azərbaycanda və xarici ölkələrdə çap olunmuş qiymətli elmi əsərləri fizika elminin daha da zənginləşdirilməsinə xidmət etmişdir.
 

AMEA-nın vitse-prezidenti akademik İsa Həbibbəyli, Bakı Dövlət Universitetinin kafedra müdiri akademik Bəhram Əsgərov və Fizika İnstitutunun direktor müavini, AMEA-nın müxbir üzvü professor Cavad Abdinov və başqaları çıxış edərək Z.Vəliyevin elmi-pedoqoji fəaliyyətinin müxtəlif məqamlarına qiymət vermiş, xatirələrini söyləmişlər. Sonda Z.Vəliyevin oğlu Əhməd Vəliyev çıxış edərək alimə verilən yüksək qiymətdən razı qaldığını bildirdi, yubiley tədbirinin təşkilatçılarına minnətdarlığını ifadə etdi.

Böyütmək üçün şəkillərə klikləyin.



Самое важное и срочное мы публикуем на странице в Telegram. Подпишись!