Bakı Fond Birjası "Yaşıl istiqrazlar" buraxmağa hazırdır

Bakı Fond Birjası (BFB) azad edilmiş ərazilərin bərpası və rekonstruksiyası üçün "Yaşıl istiqrazlar" buraxmağa hazırdır.

Day.Az Trend-ə istinadən bildirir ki, bunu BFB-nin idarə heyətinin sədri vəzifələrini icra edən Eldar Abdullayev "Bravo" supermarketlər şəbəkəsinin istiqrazlarının yerləşdirilməsinə həsr olunmuş tədbir zamanı deyib.

O bildirib ki, bu əməliyyat üçün qanunvericilik bazası hazırdır:

"Bizə bu məsələlərlə məşğul olacaq emitent lazımdır. Bununla bağlı bizə təkliflər daxil olarsa, məmnunluqla reallaşdırarıq".