Mərkəzi Bank İdarə Heyətinin tərkibi yenidən müəyyən olunacaq

Azərbaycan Respublikası Mərkəzi Bankın İdarə Heyətinin tərkibi yenidən müəyyən olunacaq.

Day.Az Trend-ə istinadən xəbər verir ki, bu barədə məsələ Milli Məclisin İqtisadi siyasət, sənaye və sahibkarlıq komitəsinin sabah keçiriləcək iclasının gündəliyinə daxil edilib.

Belə ki, iclasda Azərbaycan Respublikası Mərkəzi Bankı İdarə Heyəti üzvlərinin vəzifəyə təyin və vəzifədən azad edilməsi haqqında məsələ müzakirə ediləcək.

Qeyd edək ki, hazırda Mərkəzi Bankı İdarə Heyətinin tərkibi üç nəfərdən ibarədir. Taleh Kazımov Azərbaycan Respublikası Mərkəzi Bankının sədri, Rəşad Orucov sədrin birinci müavini, Əliyar Məmmədyarov isə sədrin müavinidir.