Uçuş zamanı pilotların ikisi də yatdı
11 kilometr hündürlükdə uçan Airbus A320 təyyarəsinin hər iki pilotu uçuş zamanı yuxuya gedib.
Day.Az unikal-a istinadən xəbər verir ki, hadisə Batik Air aviaşirkətinin Kendaridən Cakartaya uçan Airbus A320 reysi zamanı baş verib.
Təxminən 28 dəqiqə ərzində təyyarə nəzərdə tutulan marşrutdan yayınıb. Təyyarədə 153 sərnişin və 6 heyət üzvü olub. Hadisəyə baxmayaraq, uçuş uğurla başa çatıb və heç kim xəsarət almayıb.
Uçuş zamanı kapitan bir müddət dincəlməyi və idarəetməni ikinci pilota təhvil verməyi xahiş edib.
Təyyarənin avtopilotu son təyin olunmuş kursu davam etdirməyə davam etsə də, təyyarə tədricən nəzərdə tutulan marşrutdan yayınıb. Bu müddət ərzində hava hərəkəti dispetçerləri təxminən 28 dəqiqə ərzində heyətlə əlaqə saxlamağa çalışıb.
Nəhayət, ikinci pilot oyanıb, dispetçerlərə cavab verib və heyət təyyarəni düzgün istiqamətə qaytara bilib. Uçuş uğurlu enişlə başa çatıb.
Заметили ошибку в тексте? Выберите текст и сообщите нам, нажав Ctrl + Enter на клавиатуре
