Payızda saç tökülməsinin qarşısını almaq üçün bunlara diqqət edin
Payız aylarında hava və temperatur dəyişiklikləri, stress və qidalanmadakı fərqlər saç tökülməsinin artmasına səbəb ola bilər.
Day.Az xəbər verir ki, saç sağlamlığını qorumaq üçün zülal, dəmir, sink və vitaminlərlə zəngin qidalanmaq, kifayət qədər su içmək və yuxu rejiminə diqqət etmək tövsiyə olunur.
Bu dövrdə saçları yüksək temperaturda fenlə qurutmaq, düzləşdirici və buruqlaşdırıcı cihazlardan həddindən artıq istifadə etmək məsləhət deyil. Saçları çox sıx toplamaq və dartmaq da tökülməni artıra biləcəyindən daha yumşaq qulluq edilməlidir.
Mövsümi saç tökülməsi adətən müvəqqəti olur. Lakin tökülmə uzun müddət davam edərsə, həddindən artıq olarsa və ya saçlarda nəzərəçarpan seyrəklik yaranarsa, səbəbin müəyyənləşdirilməsi üçün dermatoloqa müraciət etmək vacibdir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
