Saçların ağarması orqanizmin müdafiə mexanizmi ola bilər
Alimlərin siçanlar üzərində apardığı araşdırma saçların ağarması ilə hüceyrələrin DNT zədələnməsinə qarşı müdafiə mexanizmləri arasında əlaqə olduğunu göstərib. Melanosit kök hüceyrələri ciddi zədələndikdə yetkin piqment hüceyrələrinə çevrilərək kök hüceyrə ehtiyatından çıxa bilər və nəticədə saçlar ağarmağa başlayır.
Day.Az xəbər verir ki, tədqiqatçılara görə, bu proses potensial təhlükəli hüceyrələrin yığılmasının qarşısını alaraq xərçəngə səbəb ola biləcək mutasiyaların yayılmasını məhdudlaşdıra bilər. Lakin bəzi kanserogen təsirlər və ultrabənövşəyi şüalanma zamanı zədələnmiş hüceyrələr bu müdafiə mexanizmindən yayınaraq bölünməyə davam edə və melanoma riskinə şərait yarada bilər.
Bununla belə, saçların ağarması xərçəngdən qoruduğu anlamına gəlmir. Araşdırmanın əsas nəticələri siçanlar üzərində əldə edilib və bu mexanizmin insanlarda eyni şəkildə işləyib-işləmədiyini müəyyənləşdirmək üçün əlavə tədqiqatlara ehtiyac var. Alimlər gələcəkdə bu mexanizmlərin öyrənilməsinin xərçəng və yaşlanma proseslərinin daha yaxşı anlaşılmasına kömək edə biləcəyini bildirirlər.
Заметили ошибку в тексте? Выберите текст и сообщите нам, нажав Ctrl + Enter на клавиатуре
