İnsanın danışıq tərzi sağlamlığından xəbər verir?
Yeni araşdırmaya görə, insanın danışıq tərzi onun sağlamlığı və yaşlanma prosesi barədə müəyyən məlumat verə bilər.
Day.Az xəbər verir ki, tədqiqatçılar təxminən 3 min ispandilli yetkinin səs yazılarını süni intellekt vasitəsilə analiz edərək nitqin sürəti, fasilələr, səs tonu və söz ehtiyatı kimi göstəriciləri araşdırıblar.
Nəticələr göstərib ki, sağlam insanlarda nitq yaşı ilə real yaş arasındakı fərq daha az olur. Alzheimer xəstəliyi və frontotemporal demensiyası olan şəxslərdə isə bu fərqin daha böyük olduğu, "yaşlı" nitqin beyin dəyişiklikləri, yüksək p-Tau217 səviyyəsi və yaddaş, diqqət və problem həll etmə qabiliyyətinin zəifləməsi ilə əlaqəli olduğu müəyyənləşdirilib.
Alimlər "nitq saatları"nın gələcəkdə bioloji yaşlanmanın qiymətləndirilməsində ucuz və qeyri-invaziv vasitəyə çevrilə biləcəyini bildirirlər. Bununla belə, texnologiya hələ demensiya diaqnozu üçün nəzərdə tutulmayıb və nitqdəki dəyişikliklərin gələcək koqnitiv pozuntuları nə dərəcədə proqnozlaşdırdığı hələ dəqiq məlum deyil.
Заметили ошибку в тексте? Выберите текст и сообщите нам, нажав Ctrl + Enter на клавиатуре
