Mətbuat Şurasının yeni sədri Vüqar Zifəroğlu kimdir?
Xəbər verdiyimiz kimi, jurnalist və alim Vüqar Zifəroğlu Azərbaycan Mətbuat Şurasının sədri seçilib.
Day.Az xəbər verir ki, o, bu vəzifəyə oktyabrın 16-da keçirilən Azərbaycan jurnalistlərinin IX qurultayında layiq görülüb.
Vüqar Zifəroğlu 1978-ci il oktyabrın 12-də Bakı şəhərində anadan olub. Bakı Dövlət Universitetində beynəlxalq jurnalistika ixtisası üzrə bakalavr və magistr təhsili alıb. Filologiya elmləri doktoru olan Vüqar Zifəroğlu jurnalistika sahəsində uzun illərdir fəaliyyət göstərir.
O, 1997-ci ildən jurnalistika ilə məşğuldur. 2001-ci ildən Bakı Dövlət Universitetində çalışan Vüqar Zifəroğlu 2017-ci ildən Jurnalistika fakültəsinin dekanı vəzifəsini icra edir.
Alim beynəlxalq jurnalistika, media etikası və informasiya manipulyasiyası mövzularında elmi araşdırmalar aparıb. O, müxtəlif elmi əsər və kitabların müəllifidir. Vüqar Zifəroğlu 2020-ci ildə "Əməkdar jurnalist" fəxri adına layiq görülüb.
Qeyd edək ki, Azərbaycan Mətbuat Şurasının sədri seçilməzdən əvvəl Vüqar Zifəroğlu qurumun sədr müavini vəzifəsində çalışıb.
Заметили ошибку в тексте? Выберите текст и сообщите нам, нажав Ctrl + Enter на клавиатуре
