Folqa Wi-Fi sürətini 5 dəfə artıra bilər – Maraqlı təcrübə
Mətbəxdə istifadə olunan alüminium folqa düzgün yerləşdirildikdə Wi-Fi siqnalını müəyyən istiqamətə yönəldərək internet sürətini yaxşılaşdıra bilər. "MakeUseOf" nəşrinin apardığı təcrübədə routerin arxasına yerləşdirilən əyri folqa əks etdirici qarajda bağlantının sürətini artırıb.
Day.Az xəbər verir ki, sınaq zamanı qarajda məlumatların qəbul sürəti saniyədə 3,9 meqabitdən 18,6 meqabitə yüksəlib. Yataq otağında artım cüzi olub, routerə yaxın iş masasında isə nəzərəçarpan dəyişiklik qeydə alınmayıb. Alüminium radiodalğaları əks etdirərək siqnalın yayılma istiqamətini dəyişə bilər, lakin bu üsul routerin gücünü artırmır.
Mütəxəssislər bildirirlər ki, nəticə evin quruluşundan, divarlardan və routerin yerləşməsindən asılıdır. Təcrübə yalnız bir dəfə aparıldığından, folqanın hər şəraitdə eyni nəticə verəcəyi sübut olunmayıb. Routeri tamamilə folqaya bükmək olmaz; internet bağlantısını yaxşılaşdırmaq üçün cihazı açıq və mərkəzi mövqedə yerləşdirmək daha məqsədəuyğundur.
Заметили ошибку в тексте? Выберите текст и сообщите нам, нажав Ctrl + Enter на клавиатуре
