Tanınmış italyan rejissor Bakıdadır

Day.Az представляет новость на азербайджанском языке

Oktyabrın 21-də Bakıda İtaliyanın tanınmış rejissor-ssenaristi Françesko Buruni ilə görüş keçirilib.

Day.Az AZƏRTAC-a istinadən bildirir ki, "İtaliyan dili həftəsi" çərçivəsində reallaşan görüşdə "Müasir dövrdə kino sənətinin inkişafı və onun ərsəyə gəlməsi" mövzusu müzakirə olunub.

Ölkəsində kino sənətinin inkişafından söz açan qonaq deyib ki, azərbaycanlı rejissorlarla bu yöndə əməkdaşlıq etməyə hazırdır.

Azərbaycanda kino çəkilişləri üçün əlverişli şəraitin olduğuna toxunan F.Buruni burada olduğu müddətdə yaranacaq yeni imkanlardan istifadə edəcəyini qeyd edib.

Tədbir qarışlıqlı müzakirələrlə davam edib, italiyalı rejissor tərəfindən maraq doğuran suallar cavablandırılıb.

Tədbir çərçivəsində F.Buruninin "Ən yaxşı ssenari" üzrə mükafata layiq görülən "Tutto quello che vuoi" adlı ekran əsəri təqdim olunub.

Qeyd edək ki, Romada Sinematoqrafiya Mərkəzində ssenaridən dərs deyən rejissor 1991-ci ildən peşəkar fəaliyyətə başlayıb.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.