Azərbaycan-Macarıstan Gənclər Birliyi yeni layihə reallaşdırır – FOTO

8 мая 2014 19:17

Day.Az представляет новость на азербайджанском языке.

Macarıstanda rəsmi qeydiyyatdan keçmiş Azərbaycan-Macarıstan Gənclər Birliyi ölkəmizi Macarıstanda təbliğ etməklə bərabər Macarıstanı Azərbaycanda da təbliğ etmək üçün növbəti layihəsini ictimaiyyətə təqdim edir. Bu layihə "Study in Hungary" (Macarıstanda təhsil) adlanır və ölkəmizin gənclərini bu Avropa ölkəsindəki təhsil imkanları barədə məlumatlandırmaq məqsədi daşıyır.
 

Layihənin müəllifləri Azərbaycan və ingilis dillərində www.study-hungary.com veb-saytı vasitəsilə gənclərimizi Macarıstan ali məktəblərində əcnəbilər üçün təklif olunan dərəcə proqramları (bakalavr, magistratura, MBA, doktorantura və s.), hazırlıq kursları və qısamüddətli yay məktəbləri barədə məlumatlandırır.

Saytda Macarıstanda təhsilin üstünlükləri, təhsil sistemi barədə ümumi məlumatlar və qəbul qaydaları izah olunub. Hazırda bu saytda 11 ali məktəb və kollec haqqında məlumat yerləşdirilib ki, bunlardan 5-i "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"nda var. Bu layihə çərçivəsində digər ali məktəblər haqqında məlumatların da yaxın vaxtlarda yerləşdiriləcəyi gözlənilir.
 

Xatırladaq ki, Azərbaycan-Macarıstan Gənclər Birliyi 2012-ci ilin dekabrında Budapeşt şəhərində təsis olunub. Təşkilatın idarə heyətində Macarıstanda yaşayan və təhsil alan Azərbaycanlı gənclər, həmçinin Macarıstan Parlamentində ən çox yer almış siyasi partiyaların gənclər təşkilatlarının fəalları, eləcə də ictimai sferada fəaliyyət göstərən digər fəal gənclər idarə heyətində təmsil olunurlar. Təşkilat yarandığı vaxtdan müxtəlif mövzuda layihələr həyata keçirib ki, bu da Azərbaycanı Macarıstanda, Macarıstanı isə Azərbaycanda təbliğ etməyə xidmət edir.
 

Böyütmək üçün şəkillərə klikləyin:


Самое важное и срочное мы публикуем на странице в Telegram. Подпишись!