Maşında tikinti materialları daşıyanlar CƏRİMƏLƏNƏCƏK
Bəli, minik avtomobilinin üzərində normadan artıq tikinti materialı yerləşdirmək, pəncərədən kənara çıxan əşyalar daşımaq və baqajı açıq şəkildə sürmək qadağandır.
Azərbaycan Respublikasının "Yol hərəkəti haqqında" Qanununun 57-ci maddəsinə əsasən, daşınan yük sürücünün görünüş dairəsini məhdudlaşdırmamalı, avtomobilin dayanıqlığını pozmamalı, dövlət qeydiyyat nişanlarını və işıq cihazlarını örtməməlidir. Əşyaların pəncərədən kənara çıxması və ya baqajın açıq qalaraq yola tökülmə/düşmə təhlükəsi yaratması həm digər hərəkət iştirakçıları üçün qəza şəraiti yaradır, həm də qanunvericiliyin tələblərinə birbaşa ziddir.
Bu qaydaların pozulmasına görə sürücülər inzibati məsuliyyət daşıyırlar. Azərbaycan Respublikası İnzibati Xətalar Məcəlləsinin 327.1-ci maddəsinə (yük daşıma qaydalarının pozulması) əsasən, bu növ qayda pozuntularına görə 40 manat məbləğində cərimə nəzərdə tutulur. Lakin nəqliyyat vasitəsinin baqaj qapısı rəsmi icazə olmadan konstruksiya dəyişikliyi kimi və ya normativ tələblər pozulmaqla yükün yerləşdirilməsi səbəbindən açıq saxlanılaraq idarə edilərsə və bu hal avtomobilin texniki istismar qaydalarının pozulması (məsələn, kütlə paylanmasının və ya qabaritlərin ciddi pozulması) kimi qiymətləndirilərsə, xəta Maddə 342.2-yə tövsif oluna və cərimə məbləğ 150 manatadək yüksələ bilər.
Nəsimi Ələsgərli
Заметили ошибку в тексте? Выберите текст и сообщите нам, нажав Ctrl + Enter на клавиатуре
