Azərbaycan və Yaponiya arasında investisiya cəlbi ilə bağlı memorandum imzalanıb

Azərbaycan Milli Sahibkarlar (İşəgötürənlər) Təşkilatları Konfederasiyası ilə Yaponiyanın "TET International Development" şirkəti arasında əməkdaşlıq barədə anlaşma memorandumu imzalanıb.

Day.Az Trend-ə istinadən bildirir ki, sənəd birgə layihələrin sayının artırılmasını, Yaponiya ilə Azərbaycan arasında ticarət dövriyyəsinin artımını və Azərbaycan iqtisadiyyatının müxtəlif sektorlarına əlavə investisiyaların cəlb olunmasını nəzərdə tutur.

Memorandumu Bakıda keçirilən Yaponiya-Azərbaycan investisiya forumu zamanı Azərbaycan Milli Sahibkarlar (İşəgötürənlər) Təşkilatları Konfederasiyasının prezidenti Məmməd Musayev və "TET International Development" şirkətinin prezidenti Taro Savada imzalayıb.