Yüksək məvaciblə “Simpsonlar”ı izləyəcək şəxs axtarılır

İngiltərədə bukmeker saytlarından birində qəribə iş elanı peyda olub.

Day.Az oxu.az-a istinadən xəbər verir ki, "Paltin Casino" resursunun yayımladığı elana görə, məşhur "Simpsonlar" serialını izləyəcək əməkdaş axtarılır.

Onun işi ABŞ istehsalı animasiya serialının 33 mövsümünü və 2007-ci ildə çəkilən "Simpsonlar filmi"ni (The Simpsons Movie) seyr edərək, burada gələcəklə bağlı proqnozları aşkarlamaqdır.

Qeyd olunan iş üçün yeddi min dollar məvacib təklif olunur.