Ağdamda qazıntı zamanı 2 nəfərin çürümüş meyiti aşkarlandı

Ağdam rayonunda qazıntı aparılarkən iki nəfərin meyiti aşkarlanıb.

Bu barədə Day.Az-a Baş Prokurorluqdan məlumat verilib.

Məlumatda bildirilir ki, Ağdam rayonunun işğaldan azad edilmiş ərazisində "Körpü-Bina Tikinti" MMC tərəfindən qazıntı işləri aparılarkən iki şəxsə məxsus insan sümükləri aşkar edilib.

Hazırda faktla bağlı Ağdam rayon prokurorluğunda araşdırma aparılır.