Hərbi dənizçilər "Dəniz kuboku" müsabiqəsində növbəti epizodu yerinə yetiriblər - FOTO
Azərbaycanın Xəzər dənizindəki ərazi sularında "Beynəlxalq Ordu Oyunları-2022" yarışları çərçivəsində keçirilən "Dəniz kuboku" müsabiqəsində hərbi dənizçilər "Artilleriya atəşlərinin yerinə yetirilməsi üzrə yarış" mərhələsinin "Dəniz hədəfi üzrə artilleriya atışı" epizodu üzrə tapşırıqları yerinə yetiriblər.
Müdafiə Nazirliyindən Day.Az-a verilən məlumata görə, epizodun şərtlərinə əsasən 3000 metr məsafədə yerləşən kiçik ölçülü dəniz hədəflərinə artilleriya atışları yerinə yetirilib. Hədəfin məhv edilməsi üçün artilleriya qurğularının heyətlərinə 40 ədəd mərmi verilib.
Tapşırığın icrası zamanı dəniz hədəfi kimi xüsusi quraşdırılan gəmi lövhəsindən istifadə olunub.
Заметили ошибку в тексте? Выберите текст и сообщите нам, нажав Ctrl + Enter на клавиатуре
