ARB 24 kanalı Arzu Nağıyevi efirdən sürüşdürdü

Azərbaycan tamaşaçılarının yaddaşında gülməli açıqlamaları ilə yadda qalan deputat Arzu Nağıyev bu dəfə ənənəsini davam etdirib.

Day.Az Milli.Az-a istinadən xəbər verir ki, ARB 24 telekanalına müsahibəsi zamanı hərbi qulluqçuların statusu və pensiya yaşı barədə danışarkən Nağıyev qəfildən efirdən uzaqlaşdırılıb. Görünür, A.Nağıyev mövzu ətrafında hazır mətni üzündən oxuyaraq o qədər uzun-uzadı, maraqsız və mənasız danışıb ki, efir redaktoru çıxışı yarımçıq saxlayıb. Nağıyevin sözü ağzında qalıb və aparıcı onunla sağollaşmadan dərhal başqa mövzuya keçib.