Polşaya Rusiya helikopteri daxil olub
Rusiya Silahlı Qüvvələrinə məxsus "Mi-8" hərbi helikopteri Kalininqrad vilayəti istiqamətindən qısa müddətə Polşanın hava məkanına daxil olub.
Bu barədə Polşa Silahlı Qüvvələrinin Operativ Komandanlığı məlumat yayıb.
Polşa tərəfinin məlumatına görə, helikopter ölkənin hava məkanında təxminən 42 saniyə qalıb və sərhəddən təxminən 300 metr dərinliyə irəliləyib.
Buna cavab olaraq Polşa qırıcı təyyarələri havaya qaldırıb, həmçinin quru qoşunlarının bölmələrini döyüş hazırlığı vəziyyətinə gətirib. Polşa komandanlığı insidentin xarakterinin ölkənin hava hücumundan müdafiə sisteminin hazırlıq səviyyəsinin yoxlanılmasına işarə edə biləcəyini bildirib.
Polşa hərbçiləri vəziyyətin nəzarət altında olduğunu və əhali üçün təhlükə yaratmadığını bildiriblər.
Заметили ошибку в тексте? Выберите текст и сообщите нам, нажав Ctrl + Enter на клавиатуре
