Ağ Ev: "ABŞ-da səhiyyə islahatının ləğvi xaos yaradacaq"

Day.Az представляет новость на азербайджанском языке

Səhiyyə islahatının ləğvi ölkədə xaos yaradacaq.

APA-nın RİA Novosti agentliyinə istinadən verdiyi xəbərə görə, bunu prezident Barak Obamanın mətbuat katibi Coş Ernest bəyan edib.
 
"İslahatı ləğv edənlər onun yaratdığı xaosa görə məsuliyyət daşıyacaq. "Obamacare"-nin ləğvi bütün ölkədə dağıdıcı fəsadlar törədəcək. Demokrat Partiyası bunu dəstəkləmir və dəstəkləməyəcək", deyə C.Ernest bildirib.
 
Onun sözlərinə görə, islahatın ləğvi ABŞ-da 22 milyon insanı səhiyyə sığortasından təcrid edəcək.
 
Bu gün  ABŞ-ın yeni seçilən vitse-prezidenti Mayk Pens bəyan edib ki, Donald Trampın prezident vəzifəsində atacağı ilk addım "Obamacare" kimi tanınan icbari tibbi sığortanın ləğvi olacaq.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.