Anası öldürülən 4 yaşlı azərbaycanlı uşaq Bağdaddan Bakıya gətirildi

13 октября 2017 00:26

Day.Az представляет новость на азербайджанском языке

İraqda "İslam Dövləti"nin darmadağın edilməsindən (hələlik tam başa çatdırılmamış) sonra bütün ölkələrdə ora valideynləri tərəfindən aparılmış və ya orada doğulmuş uşaqlar məsələsini daha fəal şəkildə müzakirə etməyə başladılar.

Day.Az virtualaz.org-a istinadən bildirir ki, mövzunu Rusiyada, Türkiyədə, Azərbaycanda və başqa ölkələrdə müzakirə edirlər. Körpələrdən əksəriyyəti valideynlərini, bəziləri isə hətta doğma qardaş və bacılarını da itiriblər. Amma Azərbaycan öz uşaqlarını atmır.

İnternetdə İraqdakı uşaq evlərindən birinə gətirilmiş dördyaşlı azərbaycanlı Abdulla ilə bağlı videomaterial peyda olandan dərhal sonra Azərbaycan səfirliyinin konsulu Zəbi Axundov həmin uşağın vətənə göndərilməsini təşkil etmək üçün bütün gücünü sərf etdi.

Və budur, virtualaz.org-a məlum olub ki, həmin uşağın bortunda olduğu təyyarə təxminən iki saat əvvəl Bakıya enib. Uşağın uçuş xərcini ölkənin Xarici İşlər Nazirliyi ödəyib. Onu vətəndə Azərbaycan hakimiyyətinin axtardığı doğmaları gözləyirlər...

Digər xəbərləri Azərbaycan dilində xüsusi Facebook səhifəmizdə izləyə bilərsiniz.