Üzünüzü yuyanda suya sirkə əlavə edin

Təbii sirkə (alma və ya üzüm sirkəsi) vitaminlər, minerallar, orqanik turşularla zəngin olan faydalı məhsuldur.

Day.Az saglamolun.az-a istinadən bildirir ki, sirkə qədim zamanlardan dəri və saçların gözəlliyi üçün geniş istifadə olunur.

Dərinin gözəlliyi üçün üzünüzü adi su ilə deyil sirkə əlavə olunmuş su ilə yuyun. 1 stəkan suya 2 x.q. təbii sirkə (esensiya yox!) əlavə edin, qarışdırın və bu su ilə üzünüzü və həmçinin boyun və dekolte zonalarını yuyun. Bunu həftədə bir neçə dəfə etmək olar.

Bu sadə vasitə dərini yaxşı təmizləyir və ağardır, dəridə regenerasiya (bərpa) proseslərini sürətləndirir, dərini cavanlaşdırır, yağlı dəriyə xas olan xoşagəlməz parıltını azaldır, dərini daha təravətli edir.

Nəzərinizə çatdıraq ki, çox quru, nazik, zəif dəri üçün bu üsul uyğun gəlmir.