Hazırda 60-dan çox üzvü olan "MÜSİAD Azərbaycan" 4 mindən çox insanı şirkətlərində işlə təmin edib - Rəşad Cabirli
Hazırda 60-dan çox üzvü olan MÜSİAD Azərbaycan 4 mindən çox insanı şirkətlərində işlə təmin edib.
Trend xəbər verir ki, bunu MÜSİAD Azərbaycanın rəhbəri Rəşad Cabirli iş adamları ilə görüş zamanı bildirib.
O qeyd edib ki, MÜSİAD hal-hazırda dünyanın 82 ölkəsində 164 şöbəsi olmaqla 12 mindən çox üzvü ilə 60 min iş yerini əhatə edir.
"Bu isə öz növbəsində 1 milyon 800 mindən çox insanın işlə təmin edilməsi deməkdir. MÜSİAD Azərbaycan filialımız 2018-ci ildə aktiv fəaliyyətə başlayıb. Hazırda 60-dan çox üzvümüzlə 4 mindən çox insan işlə təmin edilib. Ötən 30 il ərzində MÜSİAD böyük məsafələr qət edərək qlobal sərmayə platformasına çevrilib. MÜSİAD Azərbaycan tərəfindən daha əvvəl 2 dəfə, bu gün isə üçüncüsü keçirilən iş adamalarının şəbəkəyönümlü görüşü növbəti illərdə də keçirilməyə davam edəcək", - deyə R.Cabirli qeyd edib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
