Bu gün Rusiya sülhməramlılarına məxsus 63 avtomobil Laçın yolundan keçib

Rusiya sülhməramlı kontingentinə (RSK) məxsus avtomobillərin Laçın yolundan maneəsiz keçidi davam edib.

Day.Az Trend-in aksiya yerinə ezam olunmuş müxbirinə istinadən xəbər verir ki, səhər saatlarından indiyədək RSK-ya məxsus 63 avtomobilin aksiya keçirilən ərazidən maneəsiz keçidi reallaşıb.

Xatırladaq ki, dekabrın 12-dən etibarən azərbaycanlı eko fəallar, ictimaiyyət nümayəndələri sülhməramlıların postu yaxınlığında etiraz aksiyası keçirirlər. Aksiyada etiraz edənlərin əsas tələbləri Rusiya sülhməramlılarının komandanı Andrey Volkovun gəlməsi, azərbaycanlı mütəxəssislərin montorinq aparılması üçün lazımi şərait yaradılması, ermənilərin Azərbaycan torpaqlarında ekoloji terrora son qoyulması, Ermənistanla sərhəddə Laçın istiqamətində ayrıca sərhəd və gömrük nəzarəti postlarının yaradılması, Azərbaycan ərazisinə qanunsuz silah daşınmasının qarşısının alınmasıdır.