Sökülən "8-ci kilometr bazarı"nın yerində nə olacaq? - İcra Hakimiyyətindən AÇIQLAMA - VİDEO
Bakının "8-ci kilometr bazarı"nın ətrafındakı qanunsuz obyekt və piştaxtaların sökülməsinə başlanılıb.
Day.Az xəbər verir ki, satıcılardan bəziləri iddia edirlər ki, söküntü işləri ilə bağlı onlara əvvəlcədən məlumat verilməyib.
Bəzi satıcılar isə bunun əksini iddia edirlər.
Məsələ ilə bağlı Nizami Rayon İcra Hakimiyyətindən bildirilib ki, "8-ci km bazarı" ətrafında, Naxçıvanski küçəsi boyunca ərazidə olan qanunsuz küçə ticarətinin və antisanitar vəziyyətin aradan qaldırılması ilə bağlı tədbirlər görülür. Qanunsuz quraşdırılmış, şəhərin ümumi görünüşünə xələl gətirən köşklər götürülür.
İşlər yekunlaşdıqdan sonra ərazidə təmizlik, abadllq və yaşıllaşdırma işlərinin aparılması nəzərdə tutulur.
O da bildirildi ki, bir ay öncə Naxçıvanski küçəsi boyunca qanunsuz küçə ticarəti ilə məşğul olan şəxslərə ərazidə abadlıq işlərinin aparılacağı barədə xəbərdarlıq edilib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
