Ağstafada dönərdən zəhərlənən şəxlərin vəziyyəti AÇIQLANDI

Bu gün saat 17:15 radələrindən 21:40 radələrinədək 9 nəfər (2-si kişi, 7-si qadın cinsli olmaqla) Ağstafa Rayon Mərkəzi Xəstəxanasının Təcili və təxirəsalınmaz tibbi yardım şöbəsinə zəhərlənmə şübhəsi ilə hospitalizasiya olunublar.

Bu barədə Day.Az-ın sorğusuna cavab olaraq TƏBİB-dən bildirilib.

"Onlara zəruri tibbi yardım göstərilib, 3 nəfər ambulator müalucə üçün evə buraxılıb. 6 nəfərin isə müalicəsi davam etdirilir. Vəziyyətləri qənaətbəxş qiymətləndirilir", - deyə TƏBİB-dən bildirilib.

Qeyd edək ki, sözügedən faktla bağlı araşdırma aparılır.