Volodimir Zelenski Prezident İlham Əliyevə təşəkkür edib
Ukrayna Prezidenti Volodimir Zelenski Azərbaycan Prezidenti İlham Əliyevə minnətdarlığını ifadə edib.
Day.Az Azərbaycan XİN-ə istinadən xəbər verir ki, bu barədə V.Zelenski Azərbaycanın xarici işlər naziri Ceyhun Bayramovu qəbul edərkən deyib.
"Tərəflər Azərbaycan-Ukrayna strateji tərəfdaşlığının hazırkı vəziyyətini və gələcək inkişaf perspektivlərini müzakirə ediblər.
Azərbaycan və Ukraynanın gələn il diplomatik münasibətlərin qurulmasının 35 illiyini qeyd etməyə hazırlaşdığı bir vaxtda strateji tərəfdaşlığın daha da inkişaf etdirilməsinin vacibliyi vurğulanıb.
Nazir Ceyhun Bayramov Azərbaycanın Ukraynanın beynəlxalq səviyyədə tanınmış sərhədləri çərçivəsində suverenliyinə və ərazi bütövlüyünə ardıcıl dəstəyini bir daha təsdiqləyib.
Prezident Volodimir Zelenski Ukraynaya göstərilən humanitar yardıma görə Prezident İlham Əliyevə və Azərbaycan hökumətinə minnətdarlığını ifadə edib", - XİN-dən bildirilib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
