Kibercinayətlərin sayı gündən-günə artır - Kamran Əliyev
Kibercinayətlərin sayı, təəssüf ki, gündən-günə artır.
Bunu Azərbaycanın Baş prokuroru Kamran Əliyev Trend Beynəlxalq İnformasiya Agentliyinə və REAL televiziyasına birgə müsahibəsində deyib.
Baş prokuror yeni növ cinayətlərdən də danışıb:
"Yeni növ cinayətlər dedikdə xüsusilə narkotiklərin internet üzərindən qanunsuz satışı, kibercinayətkarlıq və yeni informasiya texnologiyalarından istifadə etməklə törədilən digər cinayətlər nəzərdə tutulur", - Baş prokuror bildirib.
Kamran Əliyev qeyd edib ki, cinayətkarlar yeni informasiya texnologiyalarının, o cümlədən süni intellektin imkanlarından istifadə edirlər.
"Azərbaycan Respublikasının Cinayət Məcəlləsinin 30-cu fəsli kibercinayətlərə həsr olunub və bu fəsildə üç maddə yer alır. Həmin maddələr informasiya sistemlərinə qanunsuz daxilolma və müdaxilə kimi əməlləri əhatə edir", - o deyib.
Baş prokurorun sözlərinə görə, hazırda törədilən bütün cinayətlərin təxminən 40-50 faizi yeni informasiya texnologiyalarından istifadə edilməklə törədilir. O, bunun prokurorluq və digər hüquq-mühafizə orqanları əməkdaşlarının həmin sahədə bilik və bacarıqlarını təkmilləşdirməsini zəruri etdiyini vurğulayıb.
Заметили ошибку в тексте? Выберите текст и сообщите нам, нажав Ctrl + Enter на клавиатуре
