Diş problemləri mədə-bağırsaq xəstəliklərinə təsir göstərə bilər
Stomatoloq Maksim Labuxinin sözlərinə görə, diş əti iltihabı, kariyes və parodontit kimi problemlər ağız boşluğunda infeksiya mənbəyi yaradaraq mədə-bağırsaq sisteminə təsir göstərə bilər. İltihab zamanı bəzi bakteriyaların qida ilə birlikdə həzm sisteminə keçə biləcəyi bildirilir.
Day.Az xəbər verir ki, əlaqə əks istiqamətdə də müşahidə oluna bilər. Reflüks və qastrit zamanı mədə turşusunun ağıza qayıtması diş minasını zəiflədərək həssaslığı və kariyes riskini artıra bilər.
Mütəxəssislər diş və mədə-bağırsaq problemlərinin bir-biri ilə əlaqəli ola biləcəyini nəzərə alaraq ağız gigiyenasına diqqət yetirməyi, davamlı diş və ya həzm sistemi şikayətləri zamanı isə müvafiq həkimə müraciət etməyi tövsiyə edirlər.
Заметили ошибку в тексте? Выберите текст и сообщите нам, нажав Ctrl + Enter на клавиатуре
