Arıqlamaq istəyənlər üçün zülalın əhəmiyyəti açıqlandı
Rusiyalı həkim Ancelina Süleymanovanın sözlərinə görə, zülal toxluq hissini uzadır, iştahanı nəzarətdə saxlamağa və arıqlama prosesini dəstəkləməyə kömək edir. Lakin çəki itkisinin əsas şərti qəbul edilən kalorinin sərf olunan kaloridən az olmasıdır.
Day.Az-ın məlumatına görə, mütəxəssis bildirib ki, kifayət qədər zülal qəbulu güc məşqləri ilə birlikdə əzələ kütləsinin qorunmasına və yağ itkisinə kömək edir. Bununla belə, gündəlik kalori normasından əlavə protein kokteyllərinin qəbulu çəkinin azalmasına deyil, artmasına səbəb ola bilər.
Həkim vurğulayıb ki, zülalın artırılması təkbaşına əzələ kütləsinin böyüməsini təmin etmir. Bunun üçün müntəzəm güc məşqləri də vacibdir. Arıqlamaq istəyənlər qidalanma balansına və fiziki aktivliyə birlikdə diqqət yetirməlidirlər.
Заметили ошибку в тексте? Выберите текст и сообщите нам, нажав Ctrl + Enter на клавиатуре
