Şəkidə genişmiqyaslı kampaniya çərçivəsində minlərlə ağac əkilib

Azərbaycan Respublikasının Birinci vitse-prezidenti Mehriban Əliyevanın dahi şair və mütəfəkkir İmadəddin Nəsiminin 650 illik yubileyi münasibətilə respublikamızda bir gündə 650 min ağacın əkilməsi təşəbbüsünə Şəki rayonunun sakinləri də böyük həvəslə qoşulublar.

Trend-in məlumatına görə, dekabrın 6-da səhər saatlarından başlanan aksiya zamanı Şəki şəhərindəki Heydər Əliyev Mərkəzinin qarşısındakı 3 hektar ərazidə, Rayon Mərkəzi Xəstəxanasının ətrafında, Zərifə Əliyeva küçəsi boyunca, M.F.Axundzadə adına mədəniyyət və istirahət parkının ərazisində, Bideyiz kəndinin yaxınlığında 4 hektar ərazidə minlərlə ağac əkilib.

Aksiyada iştirak edən şəkililər Nəsiminin xatirəsinə əkilən ağacların, salınan yaşıllıq zolaqlarının ölkəmizdə ekoloji mühitin daha da sağlamlaşdırılmasına olduqca müsbət təsir göstərəcəyini vurğulayıblar.

Digər xəbərləri Azərbaycan dilində xüsusi Facebook səhifəmizdə izləyə bilərsiniz.