https://news.day.az/azerinews/1184347.html Filarmoniyada ulu öndər Heydər Əliyevin xatirəsinə həsr edilmiş anım gecəsi təşkil olunmuşdur - FOTO

Filarmoniyada ulu öndər Heydər Əliyevin xatirəsinə həsr edilmiş anım gecəsi təşkil olunmuşdur - FOTO

Azərbaycanca, 11 декабря 2019 12:07 7 040

Dekabrın 10-da Müslüm Maqomayev adına Azərbaycan Dövlət Akademik Filarmoniyasında Səbail Rayon İcra Hakimiyyətinin təşəbbüsü ilə xalqımızın ümummilli lideri Heydər Əliyevin xatirəsinə həsr edilmiş anım gecəsi təşkil olunmuşdur.  

Tədbirdə Xalq artisti Fəxrəddin Kərimovun bədii rəhbəri və baş dirijoru olduğu Qara Qarayev adına Azərbaycan Dövlət Kamera Orkestrinin ifasında Azərbaycan və dünya bəstəkarlarının əsərləri səsləndirilmişdir. 

Tədbirdə qeyd olunmuşdur ki, ümummilli lider Heydər Əliyev xalqımızın yaddaşına əbədi həkk olunmuş dahi şəxsiyyətdir. Çox illər keçəcək, lakin azərbaycanlılar müdrikliyi və sarsılmaz mətinliyi sayəsində ölkəmizin gələcəyini təmin etmiş bu dahi insanı unutmayacaqlar. Bildirilib ki, ümummilli lider Heydər Əliyevin uzaqgörən siyasəti sayəsində Azərbaycan ağır sınaqlardan çıxaraq inkişaf yoluna qədəm qoyub. 

Sonra İohan Sebastyan Baxın "Ariya", Tomazo Albinoninin "Adagio", Eduard Napravnikin "Melanxoliya", İrji Bendanın "Grave", Fikrət Əmirovun "Andante sostenuto", Con Villiyamsın "Şindlerin siyahısı", Qabriel Farenin "Pavana", Jül Massnenin "Meditation", Volfqanq Amadey Motsartın "Andante" və "Fuqa" əsərləri səsləndirilib. 

Присоединяйтесь к нам в мессенджерах:

Заметили ошибку в тексте? Выберите текст и сообщите нам, нажав Ctrl + Enter на клавиатуре

Лента новостей
Ещё новости