Bakı Tennis Akademiyasında ənənəvi ITF Payız Kuboku turnirinin növbəti mərhələsi sona çatıb - FOTO
Bakı Tennis Akademiyasında ənənəvi ITF Payız Kuboku turnirinin növbəti - 5-ci mərhələsi sona çatıb.
Yarışda Azərbaycanla yanaşı, Türkiyə, Rusiya, Ukrayna, İsrail, Gürcüstan, İran, Özbəkistan və digər ölkələrdən 81 idmançı bacarığını göstərib.
18 yaş kateqoriyasında mübarizədə dəfələrlə yerli və beynəlxalq turnirlərin qalibi Kənan Qasımov bütün rəqiblərinə qalib gələrək finala yüksəlib. Kənan həlledici görüşdə rusiyalı Artur Ayuxanovla mübarizə aparıb. Tennisçimiz ilk setdə 6:4, 2-ci hissədə 7:5 hesabı ilə qalib gələrək çempion olub.
İdmançımız qələbə təəssüratlarını bölüşüb: "Qalib olduğum üçün çox xoşbəxtəm. Bu, ardıcıl 2-ci qələbəmdir. Çəkilən zəhmətin əvəzini görmək sevindiricidir".
Заметили ошибку в тексте? Выберите текст и сообщите нам, нажав Ctrl + Enter на клавиатуре
