Azərbaycan gimnastları Misir və Almaniyadakı beynəlxalq turnirlərdə yarışacaqlar

İdman gimnastikası üzrə Azərbaycan millisi iki beynəlxalq turnirdə iştirak edəcək.

Azərbaycan Gimnastika Federasiyasından Day.Az-a verilən məlumata görə, yığma üzvləri əvvəlcə fevralın 15-18-də Misirin paytaxtı Qahirə şəhərində keçiriləcək Dünya Kubokunda qüvvəsini sınayacaqlar. İdmançılar daha sonra isə fevralın 22-25-də Almaniyanın Kotbus şəhərində reallaşacaq Dünya kubokunda bacarıqlarını göstərəcəklər.

Hər iki yarışda kişilər arasında Nikita Simonov, İvan Tixonov, Rəsul Əhmədzadə, Mənsum Səfərov, qadınlar arasında isə Nazənin Teymurova mübarizə aparacaqlar.