Demensiyanı bir dəqiqədə müəyyənləşdirən sadə test açıqlanıb
Nevroloq Adnan Hüseyn demensiyadan şübhələnməyə imkan verən sadə Luriya testini təqdim edib.
Day.Az xəbər verir ki, test zamanı şəxs yumruğunu sıxmalı, masaya vurmalı, daha sonra əlini açaraq ovcunu masaya qoymalı və bu ardıcıllığı təkrarlamalıdır.
Mütəxəssis bildirir ki, bu məşq hərəkətlərin ardıcıllığını yadda saxlamaq və icra etmək qabiliyyətini qiymətləndirir. Demensiyanın bəzi növlərində insanlar hərəkətləri yavaş yerinə yetirə, ardıcıllığı qarışdıra və ya müəyyən mərhələdə çətinlik çəkə bilərlər.
Lakin Luriya testi demensiyanın diaqnostik üsulu deyil və təkbaşına xəstəliyi müəyyənləşdirmir. 2011-ci il araşdırmasında alzaymer xəstələrinin 54%-i, frontotemporal demensiyası olanların isə təxminən 70%-i testi ideal yerinə yetirə bilməyib; sağlam iştirakçıların yalnız 2,3%-ində çətinlik müşahidə olunub.
Заметили ошибку в тексте? Выберите текст и сообщите нам, нажав Ctrl + Enter на клавиатуре
