Tozsoranın gücünü artırdığı deyilən sadə üsul
Tozsoranın çəkmə gücünün zəifləməsi ilə bağlı yayılan məsləhətlərdən birinə görə, iri dənəli qaya duzundan istifadə etmək olar. İddia edilir ki, bir ovuc duzun tozsoranla çəkilməsi xortumda statik elektrikin azalmasına və hava axınının yaxşılaşmasına kömək edir.
Day.Az xəbər verir ki, qaya duzunun həmçinin tozsoranın torbasında və ya konteynerində yaranan nəmi udduğu, bununla da pis qoxuların və bakteriyaların qarşısını aldığı bildirilir. Bunun üçün bir ovuc iri dənəli duzun sərt səthdən tozsoran vasitəsilə çəkilməsi tövsiyə olunur.
Lakin duzun tozsoranın çəkmə gücünü ikiqat artırması elmi cəhətdən təsdiqlənmiş fakt deyil. Üstəlik, bəzi cihazlarda bərk maddələrin, o cümlədən duzun çəkilməsi filtrə və digər hissələrə zərər verə bilər. Buna görə belə üsulları tətbiq etməzdən əvvəl cihazın istehsalçı təlimatını nəzərə almaq vacibdir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
