Həkim xəbərdarlıq etdi: Piylənmə xərçəng riskini artıra bilər
Rusiyalı onkoloq Levan Vardayev bildirib ki, piylənmə yalnız diabet, yüksək qan təzyiqi və ürək xəstəlikləri deyil, həm də bəzi xərçəng növlərinin yaranma riskini artıra bilər.
Day.Az xəbər verir ki, onun sözlərinə görə, artıq çəki endometrium, qida borusu, qaraciyər, böyrək, mədəaltı vəzi və bağırsaq xərçəngi ilə əlaqələndirilir.
Həkim qeyd edib ki, piylənmə zamanı maddələr mübadiləsi və hormonal balans pozulur, insulin səviyyəsi yüksəlir və orqanizmdə xroniki iltihab yarana bilər. Bu dəyişikliklər bəzi şişlərin inkişafı üçün əlverişli şərait formalaşdırır.
Mütəxəssis vurğulayıb ki, artıq çəki ilə bağlı riskləri azaltmaq üçün müalicəyə vaxtında başlamaq vacibdir. Müalicə fərdi seçilir və qidalanmanın dəyişdirilməsi, fiziki aktivliyin artırılması, dərman terapiyası, zəruri hallarda isə bariatrik cərrahiyyəni əhatə edə bilər.
Заметили ошибку в тексте? Выберите текст и сообщите нам, нажав Ctrl + Enter на клавиатуре
