Azərbaycanlı aktyor: "Mənə nifrət edirlər"

Day.Az представляет новость на азербайджанском языке

Akademik Milli Dram Teatrının aparıcı aktyoru Anar Heybətov oynadığı rollara görə ona nifrət bəsləyən tamaşaçılardan danışıb. Day.Az bildirir ki, o bu haqda Milli.Az-a danışıb:

"Bəzən oynadığım obraza görə mənə nifrət ediblər. O vaxt "Qaydasız döyüş" filmində baş leytenant rolunu oynamışdım. Ondan sonra rolum haqda nifrət dolu sözlər eşidirdim. Təbii ki, bütün bu nifrətlər mənə xoş təsir bağışlayırdı. Demək ki, mən rolumu yaxşı yaratmışdım".

Aktyor çəkildiyi "Sən olmasaydın - Qisas" serialından da danışıb:

"40-cı seriyadan sonra serialda qisaslar başlanır. Hamı bir-birindən qisas alır. Ona görə də serialın adı dəyişib "Sən olmasaydın - Qisas" oldu. Çox maraqlı bölümlər çəkilir. Yeni obrazlar gələcək seriala".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.