İnzibati Xətalar Məcəlləsində dəyişiklik edilib
Prezident İlham Əliyev Azərbaycan Respublikasının İnzibati Xətalar Məcəlləsində dəyişiklik edilməsi barədə Qanunu imzalayıb.
Day.Az AZƏRTAC-a istinadən verdiyi məlumata görə, Azərbaycan Respublikasının İnzibati Xətalar Məcəlləsinə aşağıdakı məzmunda 192.12-ci maddə əlavə edilir:
"192.12. Qanunla pedaqoji fəaliyyətlə məşğul olması qadağan edilən şəxslərlə pedaqoji fəaliyyətlə məşğul olmaq üçün əmək müqaviləsinin bağlanılmasına görə -
vəzifəli şəxslər üç min manat məbləğində cərimə edilir.".
Həmçinin, 599-cu maddənin adında və mətnində "Ali" sözü "Azərbaycan Respublikasında fəaliyyət göstərən bütün təhsil müəssisələrinin "Təhsil Mərkəzləşdirilmiş İnformasiya Sistemi"nə, ali" sözləri ilə əvəz edilir.
Заметили ошибку в тексте? Выберите текст и сообщите нам, нажав Ctrl + Enter на клавиатуре
