Şəmkirdə aptekdən oğurluq edən şəxs saxlanıldı

Day.Az представляет новость на азербайджанском языке.

Milli.Az Kəpəz TV-yə istinadən xəbər verir ki, rayonun Çinarlı qəsəbə sakini Rüstəm Hüseynov DİN-in "102" xidmətinə zəng vuraraq ona məxsus aptekdən pul oğurlandığı haqda məlumat verib. Dərhal rayon polis şöbəsinin hüquq mühafizə orqanları axtarışa başlayıb, nəticədə həmin oğurluq hadisəsini Rüstəmin həmkəndlisi Nicat Kərimovun törətdiyi məlum olub.

Polis tərəfindən saxlanılan Nicat oğurluq etdiyini etiraf edib. Oğurlanan pulun bir qismi isə maddi sübut kimi götürülüb.

Faktla bağlı araşdırma gedir.