Appendisiti əməliyyatsız müalicə etmək mümkündürmü?
Hər il minlərlə insan kəskin appendisitdən əməliyyat olunur. Həkimlər və insanlar artıq bu fikrə öyrəşib ki, appendisit iltihablıdırsa, o kəsilməlidir, müalicə yolu yoxdur.
Milli.Az medicina.az-a istinadən bildirir ki, 3 ildir ki, Avropa ölkələrinin həkimləri appendisiti antibiotiklə müalicə etməyə cəhd edir və bu yöndə tədqiqatlar aparırlar.
Bu xəstəliyin əməliyyatsız müalicəsinə nail olmaq, hər il yüz minlərlə insanı cərrahi əməliyyatdan xilas etmək deməkdir.
Appendisit elə sürətlə inkişaf edir, ağırlaşmalar verir ki, bu zaman həkimin onu müalicə etməyə şansı və vaxtı qalmır.
Hələ ki, absess, yəni irin olmayan appendisitlərdə bəzi həkimlər dərman müalicəsi yazır.
2018-ci ildə Finlandiyada aparılan tədqiqatda 273 pasiyent üzərində əməliyyatsız antibiotiklə müalicə sınanıb. Abses olmayan appendisit diaqnozlu xəstələrdən 60% əməliyyat olunmaqdan xilas olub, üstəlik 5 il ərzində xəstəlik geri qayıtmayıb. 40%-i isə əməliyyat edilib.
Заметили ошибку в тексте? Выберите текст и сообщите нам, нажав Ctrl + Enter на клавиатуре
