Türk dövlətlərinin əməkdaşlığı vahid türk dünyasının yaranmasına səbəb olub - Nurtleu
![Türk dövlətlərinin əməkdaşlığı vahid türk dünyasının yaranmasına səbəb olub](https://img.day.az/2024/03/02/800x550/murat_nurtleu_030423.jpg)
Türk dövlətlərinin əməkdaşlığı vahid türk dünyasının yaranmasına səbəb olub.
Day.Az TurkicWorld-a istinadən xəbər verir ki, bu sözləri Qazaxıstanın xarici işlər naziri Murat Nurtleu Antalya Diplomatiya Forumu çərçivəsində "Türk Dünyasında İnstitusionallaşma" panel sessiyasında çıxışı zamanı deyib.
Nazir Nurtleu çıxışında TDT-nin təşəbbüskarı və təsisçi dövlətlərindən biri olan Qazaxıstanın öz fəaliyyəti çərçivəsində inteqrasiyanı müsbət istiqamətdə inkişaf etdirən türk dünyasında xüsusi rolunu qeyd edib. O, həmçinin, Qazaxıstanın TURKTIME devizi altında keçirilən TDT-də sədrliyinin prioritetləri barədə dinləyicilərə məlumat verib.
"Təşkilatımız bütün türk dövlətlərini birləşdirir və biz inteqrasiyamızı birlikdə gücləndiririk. Əsas məqsəd iqtisadi, mədəni və humanitar əlaqələri genişləndirməkdir, biz müxtəlif sahələrdə, o cümlədən nəqliyyat və logistika, rəqəmsallaşma və ticarətdə potensialın yaranmasında bir-birimizə kömək edirik", - deyə o əlavə edib.
Qeyd edək ki, Türkiyənin Antalya kurort şəhərində martın 1-dən 3-dək Antalya Diplomatiya Forumu keçiriləcək. Türkiyə Prezidenti Rəcəb Tayyib Ərdoğanın himayəsi altında keçirilən bu tədbirə 100-dən çox ölkədən 4 minə yaxın qonaq, o cümlədən 20 dövlət və hökumət başçısı dəvət olunub.
Заметили ошибку в тексте? Выберите текст и сообщите нам, нажав Ctrl + Enter на клавиатуре