Uzun illərdən sonra yurdumuza ayaq basıram

Uzun illərdən sonra sevinc hissi ilə öz doğma yurdumuz - Şuşaya ayaq basıram.

Day.Az xəbər verir ki, bunu Trend-ə açıqlamasında Şuşa sakini Əhmədova Ləman deyib.

Onun sözlərinə görə, 16 yaşında doğma Şuşanı tərk etmək məcburiyyətində qalıb.

"Torpaqlarımızın azad edilməsində əməyi keçən hər kəsə təşəkkür edirəm. Hamının öz yurdunda yaşamasını arzulayıram. Torpaq həsrəti ilə yaşamaq çox çətindir", - deyə o bildirib.

Xatırladaq ki, bu gün Şuşa şəhərinə 15 ailə - 57 nəfər yola salınıb. Beləliklə Şuşa şəhərində 105 ailənin, yəni 406 nəfərin daimi məskunlaşması təmin edilib.