Gün ərzində yaşanan stress yuxulara da təsir edir
Yeni araşdırmaya görə, gün ərzində yaşanan güclü stress yuxularda mənfi emosiyaların artmasına səbəb ola bilər. Tədqiqatda 17-61 yaş aralığında 65 nəfər iki həftə ərzində yuxularını qeyd edib və 276 yuxu təhlil olunub.
Day.Az xəbər verir ki, nəticələrə əsasən, yuxuların 39 faizində qorxu, kədər və qəzəb kimi mənfi emosiyalar, təxminən 11 faizində isə kabus müşahidə edilib.
Xüsusilə yaxınlarla münasibətlərdəki problemlər və maliyyə çətinlikləri ilə bağlı stressin yuxuların emosional məzmunu ilə əlaqəsi daha güclü olub.
Alimlər qeyd edirlər ki, nəticələr əlavə araşdırmalarla təsdiqlənməlidir. Tədqiqatın iştirakçı sayının az olması və əsasən gənc tələbələrdən ibarət olması nəticələrin bütün əhaliyə şamil edilməsini məhdudlaşdırır.
Заметили ошибку в тексте? Выберите текст и сообщите нам, нажав Ctrl + Enter на клавиатуре
