Arıqlama zamanı zülalın rolu: Həkimdən vacib açıqlama
Rusiyalı mütəxəssis Ancelina Süleymanovanın sözlərinə görə, zülal toxluq hissini uzadır və iştahanı nəzarətdə saxlamağa kömək edir. Lakin arıqlamanın əsas şərti qəbul edilən kalorinin sərf olunan enerjidən az olmasıdır.
Day.Az-ın məlumatına görə, həkim bildirib ki, kifayət qədər zülal qəbulu güc məşqləri ilə birlikdə arıqlama zamanı əzələ kütləsinin qorunmasına kömək edir. Bununla belə, gündəlik qidalanmaya əlavə olaraq qəbul edilən protein kokteylləri ümumi kalori miqdarını artıraraq çəki itkisinə mane ola bilər.
Mütəxəssis vurğulayıb ki, artıq zülal qəbulu öz-özlüyündə əzələ kütləsini artırmır. Bunun üçün müntəzəm güc məşqləri və balanslı qidalanma vacibdir. Arıqlamaq istəyənlər zülal qəbulunu ümumi kalori ehtiyaclarına uyğun planlaşdırmalıdırlar.
Заметили ошибку в тексте? Выберите текст и сообщите нам, нажав Ctrl + Enter на клавиатуре
