Ermənistanı bu təhlükə gözləyir

Day.Az представляет новость на азербайджанском языке

Ermənistan hakimiyyəti biznes dostlarına vergiləri ödəməməyə və gəlirləri ofşorlarda gizlətməyə kömək edir, dövlət büdcəsi isə faktiki olaraq əhalinin hesabına doldurulur.

Day.Az bildirir ki, bunu Trend-ə müsahibəsində ukraynalı ekspert Aleksandr Oxrimenko deyib.

Onun sözlərinə görə, Ermənistanda yanacaq qiymətlərinin artması da ümumi bahalaşmaya gətirib çıxarır: "Bu, birbaşa asılılıqdır. Yanacaq qiyməti artdığı üçün ərzaq qiymətləri də artır. Bundan başqa, ƏDV hesabına da əhali getdikcə daha çox pul xərcləyir və faktiki olaraq, Ermənistan hakimiyyətini saxlayır".

Ermənistanın hərbi xərclərindən danışan ekspert qeyd edib ki, iri hərbi xərclər də əhalinin hesabına ödənilir: "SSRİ-ni hərbi xərclər məhv etdi, Ermənistanı da bu təhdid gözləyir. Hərbi xərclər hər zaman qeyri-effektivdir və bu sahədə korrupsiya çoxdur. Məhz buna görə də Ermənistan dövlət büdcəsində kəsir böyük olur".

Digər xəbərləri Azərbaycan dilində xüsusi Facebook səhifəmizdə izləyə bilərsiniz.