Azərbaycan Turizm Agentlikləri Assosiasiyası və Polşa Turizm Palatası arasında əməkdaşlıq memorandumu imzalanıb - FOTO
Mayın 28-də səhər Heydər Əliyev Beynəlxalq Aeroportunda "LOT" aviaşirkətinin Varşavadan yerinə yetirilmiş ilk sərnişin reysinin təntənəli açılışı olub.
Həmin reys ilə PLL LOT, Polşa Turizm Təşkilatının, Polşa Turizm Palatasının və Polşa turizm agentliklərinin nümayəndələri də ölkəmizə gəliblər.
Onlar bu gün Azərbaycan Turizm Agentlikləri Assosiasiyasının və Azərbaycanın turizm agentliklərinin nümayəndələri ilə görüşdə iştirak ediblər.
Görüş Polşa Respublikasının Bakıdakı Səfirliyi tərəfindən təşkil olunmuşdur.
Görüş zamanı Polşa Turizm Palatası və Azərbaycan Turizm Agentlikləri Assosiasiyası iki ölkə arasında turist axınının artırılmasına yönəlmiş birgə tədbirlərin həyata keçirilməsini nəzərdə tutan əməkdaşlıq memorandumu imzalanmışdır.
Заметили ошибку в тексте? Выберите текст и сообщите нам, нажав Ctrl + Enter на клавиатуре
